នាព្រឹកថ្ងៃសៅរ៍ ទី០៧ ខែវិច្ឆិកា ឆ្នាំ២០២០ ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានអញ្ជើញជួបសំណេះសំណាល សួរសុខទុក្ខ និងនាំយកនូវអំណោយរបស់អគ្គលេខាធិការដ្ឋានព្រឹទ្ធសភា ប្រគល់ជូនអាជ្ញាធរសង្កាត់បាក់ខែង និងសង្កាត់កោះដាច់ ស្ថិតក្នុងខណ្ឌជ្រោយចង្វារ រាជធានីភ្នំពេញ។
អំណោយដែលប្រគល់ជូនអាជ្ញាធរសង្កាត់ទាំងពីរនេះ ក្នុងមួយសង្កាត់ទទួលបានថវិកាចំនួន០៣លានរៀល អង្ករចំនួន១០០បាវ នត្រីខចំនួន១០០យូរ និងប្រេងឆា១០០ដប ព្រមទាំងប្រគល់ទឹកអាកុលមួយចំនួនជូនដល់លោកគ្រូ អ្នកគ្រូផងដែរ។
